కేన్సర్లకు చికిత్స ఎంపికలు గత రెండు దశాబ్దాలుగా గణనీయంగా మారాయి. 20 సంవత్సరాల క్రితం లేదా 5 సంవత్సరాల క్రితం కంటే ఈ రోజు చికిత్సకు ఎక్కువ ఎంపికలు ఉన్నాయి. కొత్త మందుల అభివృద్ధి, కేన్సర్‌పై మనకున్న అవగాహన, ఆ అవగాహన ఆధారంగా రోగ నిర్ధారణ, చికిత్స, వ్యూహాల గురించి జరిగిన అద్భుతమైన ప్రగతి దీనికి కారణం.
కొత్త మందులు, విధానాలు, రేడియోథెరపీ మెషీన్ లేదా ఒక ఇన్వెస్టిగేషన్ అభివృద్ధి, సమయం, ఖర్చు, శ్రమతో కూడుకున్న ప్రక్రియ.
దీని గురించి మరింత అర్థం చేసుకోవడానికి, మనం ఊపిరితిత్తుల కేన్సర్ చికిత్సల ఉదాహరణను తీసుకోవచ్చు.
2000 ల ప్రారంభంలో, రోగికి 4 వ దశ నాన్-స్మాల్ సెల్ లంగ్ కేన్సర్ ఉంటే, చికిత్స ఎంపికలు పరిమితంగా ఉండేవి. ఆ స్థితిలో కెమోథెరపీ ప్రయోజనకరమైనదా కాదా అనే దానిపై చర్చ జరిగేది. ఆ సమయంలో కెమోథెరపీతో చికిత్స ఎంపికలు పరిమితం కావడంతోనూ, అప్పట్లో ఊపిరితిత్తుల కేన్సర్‌కు బయోలాజికల్ లేదా ఇమ్యునోథెరపీ లేనందున, రోగులందరూ లక్షణాలను నియంత్రించడానికి కొన్ని రేడియోథెరపీ చికిత్సలు, బహుశా కొన్ని కెమోలను తీసుకునేవారు. ఆ సమయంలో ఆ పరిస్థితికి జరిగిన చికిత్స, ఖర్చు అంతగా ఉండేవి కావు, ఎక్కువ జీవిత కాలమూ ఉండేది కాదు.

రాబోయే 15 సంవత్సరాల్లో, ఊపిరితిత్తుల కేన్సర్ రోగులపై గణనీయమైన ప్రభావాన్ని చూపే అనేక చికిత్సల అభివృద్ధితో బ్రహ్మాండమైన మార్పు జరిగింది. ఈ క్రొత్త చికిత్సలు కేన్సర్ కణంలో నిర్దిష్ట ప్రాంతాలపై పనిచేస్తాయి, కెమోథెరపీ కంటే మెరుగ్గా పనిచేస్తాయి, కెమోథెరపీ కంటే తక్కువ దుష్ప్రభావాలను కలిగిస్తాయి, కానీ ప్రామాణిక కెమోథెరపీ కంటే ఖరీదైనవి. ఈ మందుల అభివృద్ధిలో పరిశోధన, సమయం, డబ్బు మొత్తం ఉన్నందున, ఈ ఔషధాల ధర ఎక్కువగా ఉంటుంది. ఈ ఔషధాలను ప్రభుత్వ మరియు ప్రైవేటు రంగంలో అభివృద్ధి చేస్తారు కంపెనీలు మందులు అభివృద్ధి చేయడానికి వారు ఖర్చు చేసిన ఖర్చునీ, దానిపై లాభాల్నీ తిరిగి పొందడానికి ప్రయత్నిస్తాయి. డ్రగ్ డెవలప్‌మెంట్ అనేది ప్రయోగశాల నుండి జంతువులపై పరీక్ష వరకు, ఆ తరువాత మానవుల పైన, తరువాత యాదృచ్ఛిక క్లినికల్ ట్రయల్స్ వరకు, ఇలా 15 సంవత్సరాల దాకా పట్టే ప్రక్రియ. వీటన్నిటికీ డబ్బు ఖర్చవుతుంది.
కంప్యూటింగ్ టెక్నాలజీలో గణనీయమైన పురోగతి కేన్సర్ చికిత్సలో రేడియోథెరపీ పద్ధతిలో విప్లవాత్మక మార్పులు తెచ్చింది. ఉదాహరణకు, SBRT అనేది ప్రారంభ దశలోని ఊపిరితిత్తుల కేన్సర్‌లో ఉపయోగించే రేడియోథెరపీ ఒక రూపం, ఇది ఆపరేషన్ అవసరం లేకుండా శస్త్రచికిత్స వంటి ఫలితాలను అందిస్తుంది.
అందుబాటులోకి వచ్చిన పరికరాలు ఎంతో అధునాతనమైనవి కావడంతో సర్జికల్ టెక్నిక్స్ లో మార్పు వచ్చింది. వీటితో శస్త్రచికిత్సలను చేస్తున్నపుడు అత్యంత కఠినతరమైన సర్జరీల్ని కూడా తక్కువ దుష్ప్రభావాలతో సాధ్యమయ్యేలా చేయడానికి వీలవుతోంది.

వేగవంతమైన స్కాన్లు, మునుపెన్నడూ లేనంత వివరణాత్మక చిత్రాలను ఇచ్చే మెరుగైన స్కానర్లు, రూపంలో డయాగ్నొస్టిక్ టెక్నాలజీలో మెరుగుదలలు, కేన్సర్ల దశని మరింత ఖచ్చితంగా నిర్ణయించడానికి సహాయపడే ఫంక్షనల్ స్కాన్లు (PET-CT), ఇవన్నీ రోగికి మెరుగైన సంరక్షణను అందిస్తాయి కాని ఖర్చు పెరుగుతుంది.

గత కొన్ని సంవత్సరాలుగా చెక్‌పాయింట్ ఇన్హిబిటర్‌లతో ఇమ్యునోథెరపీ అభివృద్ధితో ఈ రోజుల్లో ఊపిరితిత్తుల కేన్సర్‌కు చేసే చికిత్స స్వరూపం పూర్తిగా మారిపోయింది. ఆధునిక ఊపిరితిత్తుల కేన్సర్ చికిత్సలో కెమోథెరపీని ఇది దాదాపు వైపుకు నెట్టివేసింది.

ఈ పురోగతులన్నీ 20 సంవత్సరాల క్రితం తో పోలిస్తే ఊపిరితిత్తుల కేన్సర్ ఉన్న రోగుల మనుగడ, జీవన ప్రమాణాలను గణనీయంగా మెరుగుపర్చాయి. పైన తెలిపిన మెరుగుదల రోగి భరించే పెరిగిన ఖర్చుతో ముడిపడి ఉంటుంది.

మేము ఇందులో ఉదాహరణగా ఊపిరితిత్తుల కేన్సర్‌ను ఉపయోగించాము, కానీ అన్ని కేన్సర్లకూ ఇదే చెప్పవచ్చు.
ప్రయోజనాలు, నష్టాలు, ఖర్చులు, కోరికలు, ఆర్థిక పరిస్థితులను పరిగణనలోకి తీసుకొని ఈ ఇన్వెస్టిగేషన్లు మరియు చికిత్సల లాభనష్టాలను బేరీజు వేసుకోవాలి. ఆ తర్వాత వైద్యుడు, రోగి మధ్య సరైన నిజాయితీతో కూడిన చర్చ జరగాలి. ఆ విధంగా ఉత్తమ చికిత్సను నిర్ణయింపబడడం చాలా ముఖ్యం. అప్పుడే రోగి కనీస ఖర్చుతో గరిష్ట ప్రయోజనం పొందగలడు.