మైలోమా యొక్క చికిత్స ఎంపికలు వ్యాధి యొక్క పరిధి, అందులో భాగంగా ఉన్న అవయవాలు మరియు రోగి యొక్క వయస్సు మరియు ఫిట్‌నెస్‌పై ఆధారపడి ఉంటాయి.

వెయిట్ అండ్ వాచ్ విధానం

తక్కువ రిస్క్ స్మోల్డరింగ్ మైలోమా లేదా అసింప్టోమాటిక్ మైలోమా ఉన్న రోగులలో, చికిత్స ఇవ్వని చోట వెయిట్ అండ్ వాచ్ విధానాన్ని ఉపయోగించవచ్చు
మరియు రోగి ప్రతి 3-6 నెలలకు జాగ్రత్తగా పర్యవేక్షించబడతారు. రోగిలో మైలోమా నుండి ఏవైనా లక్షణాలను అభివృద్ధి చెందటం ప్రారంభించిన తర్వాత చికిత్స ప్రారంభమవుతుంది లేదా లక్షణాలు త్వరలోనే ప్రారంభమయ్యే చోట వ్యాధి పెరుగుతుంది.

ఇండక్షన్ థెరపీ

మైలోమా నిర్ధారణ అయిన తర్వాత, డాక్టర్ ఇండక్షన్ థెరపీని ఇవ్వాలా వద్దా అనే విషయం పరిశీలిస్తారు. ఈ చికిత్స లక్ష్యం ప్రస్తుతం ఉన్న వ్యాధిని నియంత్రించడమే. ఇండక్షన్ థెరపీ వివిధ రకాలైన మందుల రూపంలో ఉంటుంది, ఇందులో కీమోథెరపీ, బయోలాజికల్ ఏజెంట్లు, స్టెరాయిడ్స్ మరియు ఇతర మందులు ఉంటాయి. రోగి యొక్క పరిస్థితి మరియు ఔషధాల లభ్యత ఆధారంగా వీటిని ఎంపిక చేస్తారు. హై డోస్ థెరపీ మరియు స్టెమ్ సెల్ మార్పిడి తరువాత పరిగణించబడుతుందా మరియు క్యాన్సర్ చికిత్సకు ఎలా స్పందిస్తుందో అన్నదాన్ని బట్టి ఇండక్షన్ థెరపీ యొక్క వ్యవధి 3-6 నెలల వరకు ఉంటుంది.

ఇండక్షన్ చికిత్స సమయంలో, రోగులను మార్పిడి కి అర్హత గలవారు లేదా అనర్హులుగా విభజించబడతారు. అర్హత ఉన్నవారికి అధిక మోతాదు కీమోథెరపీ తరువాత స్టెమ్ సెల్ మార్పిడి చేయించుకునే అవకాశం ఇవ్వబడుతుంది. వివరాలు క్రింద ఇవ్వబడ్డాయి. సాధారణంగా, రెండు లేదా మూడు మందులు కలిపి ఇండక్షన్ చికిత్సలో ఉత్తమ ప్రభావాన్ని చూపుతాయి. ఔషధాల కలయికలో స్టెరాయిడ్స్, కీమోథెరపీ మరియు బయోలాజికల్ థెరపీ ఉన్నాయి. మార్పిడి అర్హత ఉన్న రోగులలో ఇండక్షన్ థెరపీగా ఉపయోగించే సాధారణ చికిత్సలు ఇవి-

• థాలిడోమైడ్ లేదా లెనాలిడోమైడ్ మరియు డెక్సామెథాసోన్
• సైక్లోఫోస్ఫామైడ్, బోర్టెజోమిబ్ మరియు డెక్సామెథాసోన్
• బోర్టెజోమిబ్ మరియు డెక్సామెథాసోన్
• థాలిడోమైడ్ బోర్టెజోమిబ్ మరియు డెక్సామెథాసోన్

మార్పిడి కి అనర్హమైన రోగులలో, ఇండక్షన్ చికిత్సలలో ఇవి ఉంటాయి-

ఇక్కడ ఇవ్వబడినవి మరియు మెల్ఫలన్ కలిగి ఉన్నవి అంటే

• బోర్టెజోమిబ్, లెనాలిడోమైడ్ మరియు ప్రెడ్నిసోలోన్
• మెల్ఫాలన్ మరియు ప్రెడ్నిసోలోన్ వంటివి

మెయిన్టెనెన్స్ చికిత్స

ఇండక్షన్ థెరపీ పూర్తయిన తరువాత, స్టెమ్ సెల్ మార్పిడి జరగని రోగులలో, మెయిన్టెనెన్స్ చికిత్సను పరిగణించవచ్చు. ఇండక్షన్ థెరపీ తర్వాత చికిత్సను కొనసాగించడానికి ఇది సహాయపడుతుంది. స్టెమ్ సెల్ మార్పిడి పూర్తయిన తర్వాత నిర్వహణ చికిత్సను కూడా ఉపయోగిస్తారు. మెయిన్టెనెన్స్ చికిత్స కోసం ఉపయోగించే సాధారణ మందులలో బోర్టెజోమిబ్, లెనాలిడోమైడ్, థాలిడోమైడ్ లేదా స్టెరాయిడ్స్ ఉన్నాయి. ఈ చికిత్స సాధారణంగా క్రమం తప్పకుండా ఇచ్చిన ఒకే ఔషధ రూపంలో ఉంటుంది.

కీమోథెరపీ

కీమోథెరపీని మైలోమా చికిత్స కోసం స్టెరాయిడ్స్ మరియు బయోలాజికల్ ఏజెంట్లతో కలిపిగానీ లేదా ఒక్కటే గానీ ఉపయోగిస్తారు. ఈ స్థితిలో ఉపయోగించే సాధారణ కీమోథెరపీ ఏజెంట్లు సైక్లోఫోస్ఫామైడ్, మెల్ఫాలన్, డోక్సోరుబిక్న్ మరియు ఇడారుబిసిన్. కొన్ని కలయికలు ఇక్కడ ఇవ్వబడ్డాయి.

సైక్లోఫోస్ఫామైడ్, థాలిడోమైడ్ మరియు డెక్సామెథాసోన్ (సిటిడి)

డోక్సోరోబిసిన్, బోర్టెజోమిబ్, డెక్సామెథాసోన్ (పిఏడి)

స్టెరాయిడ్స్

స్టెరాయిడ్లు సాధారణంగా శరీరంలో ఉత్పత్తి అవుతాయి మరియు శరీరంలో వివిధ విధులను కలిగి ఉంటాయి. క్యాన్సర్లో, అవి వాపుని తగ్గించడానికి ఉపయోగిస్తారు మరియు మైలోమా చికిత్సకు సాధారణంగా ఉపయోగిస్తారు. మైలోమాలో, క్యాన్సర్ కణాలను చంపడంపై అవి ప్రత్యక్ష ప్రభావాన్ని చూపుతాయి. వాటిని ఒంటరిగా లేదా సాధారణంగా కీమోథెరపీ లేదా బయోలాజికల్ థెరపీతో కలిపి ఉపయోగిస్తారు. ఈ అమరికలో, డెక్సామెథాసోన్, ప్రెడ్నిసోలోన్ లేదా మిథైల్ ప్రెడ్నిసోలోన్ సాధారణంగా ఉపయోగించే స్టెరాయిడ్లు. స్టెరాయిడ్లను మాత్రలుగా లేదా సిర ద్వారా డ్రిప్ లాగా ఇస్తారు మరియు ప్రతిరోజూ లేదా చికిత్స సైకిల్ యొక్క కొన్ని నిర్ణీత రోజులలో ఇస్తారు .

బయోలాజికల్ ఏజెంట్లు

బయోలాజికల్ ఏజెంట్లు లేదా టార్గెటెడ్ థెరపీలు క్యాన్సర్ కణంలో లేదా కణం పెరగకుండా ఆపడానికి లేదా చంపడానికి నిర్దిష్ట ప్రాంతాలను లక్ష్యంగా చేసుకుని ఇవ్వబడే మందులు. ఈ ఏజెంట్లను సాధారణంగా మైలోమా చికిత్సలో ఉపయోగిస్తారు. వీటిని ఒంటరిగా లేదా స్టెరాయిడ్స్ మరియు కీమోథెరపీతో కలిపి ఉపయోగిస్తారు. సాధారణంగా ఉపయోగించే ఏజెంట్లు

• థాలిడోమైడ్
• లెనాలిడోమైడ్
• బోర్టేజోమిబ్

బోర్టేజోమిబ్ అనేది ప్రోటీయాసోమ్ ఇన్హిబిటర్స్ అనే ఔషధాల సమూహానికి చెందిన ఔషధం.

ప్రోటీయాసోమ్లు క్యాన్సర్కణం పెరగడానికి మరియు అభివృద్ధి చెందడానికి సహాయపడతాయి మరియు ఈ మందులు ఆ అభివృద్ధిని ఆపుతాయి. బోర్టేజోమిబ్సిర ద్వారా లేదా చర్మం కింద ఇంజెక్షన్‌గా ఇవ్వబడుతుంది.

కార్ఫిల్జోమిబ్మ మరియు ఇక్జాజోమిబ్కొత్త ప్రోటీయాసోమ్ ఇన్హిబిటర్లు, ఇతర చికిత్సలకు స్పందించని మైలోమా చికిత్సకు కూడా ఉపయోగిస్తారు.

థాలిడోమైడ్మ మరియు లెనాలిడోమైడ్మైలోమా చికిత్సలో ఉపయోగించే ఇమ్యునోమోడ్యులేటింగ్ ఏజెంట్లు. వాటిలో యాంటీ ఆన్జియోజెనిక్గుణాలు కూడా ఉన్నాయి, ఇవిక్యాన్సర్పె పెరగడానికి మరియు అభివృద్ధి చెందడానికి అవసరమైన కొత్తరక్తనాళాల ఏర్పాటుకాకుండా ఆపివేస్తాయి. ఈ మందులను మాత్రలుగా ఇస్తారు.

అధిక మోతాదు చికిత్స మరియు మూలకణమార్పిడి

ఇండక్షన్ థెరపీ పూర్తయిన దశలో లేదా ప్రారంభ చికిత్స తర్వాత మైలోమా తిరిగి వచ్చిన సమయంలో రోగులలో ఈ చికిత్స యొక్క ఒక రూపం. ఈ చికిత్సలో రక్తం మరియు ఎముక మజ్జలోని అన్ని రక్త కణాలను చంపడానికి అధిక మోతాదులో కీమోథెరపీ ఇవ్వడం జరుగుతుంది. శరీరంలో ఉన్న ప్రతీ మైలోమా కణాలను చంపడం దీని లక్ష్యం. ఆ తరువాత, అధిక మోతాదు కెమోథెరపీకి ముందు సేకరించిన మూలకణాలు రోగిలోకి తిరిగి చొప్పించబడతాయి మరియు ఈ కణాలు రోగిలో కొత్త రక్త కణాలను ఏర్పరుస్తాయి. ఈ చికిత్స అందరు రోగులకు తగినది కాదు మరియు వయస్సు, ఫిట్నెస్ మరియు మైలోమా యొక్క స్థితి వంటి అంశాలపై ఆధారపడి ఉంటుంది.

ఎముక మజ్జ యొక్క పని సాధారణంగా రక్తాన్ని ఆక్సిజన్ తీసుకెళ్లడానికి సహాయపడే ఎర్ర రక్త కణాలు, అంటువ్యాధుల నుండి రక్షించే తెల్ల రక్త కణాలు మరియు రక్తస్రావాన్ని ఆపడానికి సహాయపడే ప్లేట్‌లెట్స్ వంటి రక్త కణాలను ఉత్పత్తి చేయడం. రక్తంలో ఈ కణాలను గణనీయంగా తగ్గించడం రోగికి ప్రమాదకరం మరియు అందువల్ల కీమోథెరపీ అధిక మోతాదు తర్వాత ఈ కణాల మార్పిడి అవసరం.

మూల కణాల సేకరణ

మూల కణాలు ఎర్ర రక్త కణాలు, తెల్ల రక్త కణాలు లేదా ప్లేట్‌లెట్స్ వంటి వివిధ రక్త కణాలుగా అభివృద్ధి చెందగల సామర్థ్యాన్ని కలిగి ఉంటాయి. ఈ మూల కణాలు రక్త ప్రవాహం మరియు ఎముక మజ్జలో ఉంటాయి మరియు రోగి అధిక మోతాదు కీమోథెరపీని పొందే ముందు రోగి నుండి సేకరిస్తారు. రోగి నుండి మూలకణాలను సేకరించి, అధిక మోతాదు కీమోథెరపీ తర్వాత వాటిని తిరిగి అదే రోగికి చొప్పించే ఈ ప్రక్రియను ఆటోలోగస్ స్టెమ్ సెల్ మార్పిడి అంటారు.

మూల కణాలు మరొక వ్యక్తి (దాత) నుండి వచ్చినట్లయితే, దానిని అలోజెనిక్ మూల కణ మార్పిడి అంటారు. దాత కుటుంబ సంబంధం కలిగి ఉండవచ్చు, సాధారణంగా ఒక సోదరుడు లేదా సోదరి, లేదా సంబంధం లేని కానీ సరిపోలిన దాత అయ్యుండొచ్చు. మజ్జలో క్యాన్సర్ ఉన్నపుడు లేదా వ్యాధి తిరగపెట్టినప్పుడు అంతకుముందు ఆటోలోగస్ మార్పిడి చేయబడినప్పుడు ఒక దాతను వాడవచ్చు.

మూల కణాల సేకరణకు ముందు, రోగికి జి-సీజిఎఫ్ తో కీమోథెరపీ మరియు ఇంజెక్షన్లు ఉండవచ్చు, ఇది విజయవంతమైన సేకరణను సాధించడానికి మరియు రక్తంలో మూలకణాల సంఖ్యను పెంచడానికి సహాయపడుతుంది.

మూల కణాల సేకరణ రోజున, రోగి ఒక యంత్రానికి అనుసంధానించబడి, రోగి యొక్క రక్తం ఒక సిర నుండి బయటకు తీయబడుతుంది మరియు ఇది రక్తంలో ఉన్న మూలకణాలను సేకరించడానికి యంత్రం గుండా వెళుతుంది. రక్తం మరొక సిర ద్వారా రోగిలోకి తిరిగి వెళుతుంది. ఈ ప్రక్రియ కొన్ని గంటలలో జరుగుతుంది.

మూల కణాలు సేకరించిన తర్వాత, రోగికి అధిక మోతాదు కీమోథెరపీ ఇవ్వబడుతుంది. కీమోథెరపీ తరువాత, మూల కణాలు తిరిగి రోగిలోకి చొప్పించబడతాయి. ఈ కణాలు ఎముక మజ్జలోకి వెళ్లి మళ్లీ రక్త కణాలను తయారు చేయడం ప్రారంభిస్తాయి.
ఎముక మజ్జ మార్పిడితో పోలిస్తే ఈ రోజుల్లో స్టెమ్ సెల్ మార్పిడి ఎక్కువగా ఉపయోగించబడుతుంది.

ఎముక మజ్జ సేకరణ

ఎముక మజ్జ అనేది ఎముకల లోపల ఉండే మెత్తటి పదార్థం. ఎముక మజ్జ మార్పిడి కోసం, అధిక మోతాదు కీ థెరపీని ఇవ్వడానికి ముందు మజ్జను సేకరించాలి. మజ్జను సేకరించే విధానం సాధారణంగా ఆపరేషన్ థియేటర్‌లో సాధారణ అనస్థీషియా కింద జరుగుతుంది. మజ్జను ఎముకలలోని వివిధ ప్రదేశాల నుండి బయటకు తీయవచ్చు మరియు ఈ ప్రక్రియలో దానిలో 1 లీటరు వరకూ బయటకు తీయవచ్చు. బయటకు తీసిన తర్వాత, అది నిల్వ చేయబడి, అవసరమైనప్పుడు రోగికి చొప్పించబడుతుంది.

స్టెమ్ సెల్ మరియు ఎముక మజ్జ మార్పిడి యొక్క ప్రమాదాలు మరియు దుష్ప్రభావాలు

మూల కణం లేదా ఎముక మజ్జ మార్పిడి అనేది సంక్లిష్టమైన ప్రక్రియ మరియు దుష్ప్రభావాలతో కూడుకుని ఉంటుంది. ఈ ప్రక్రియలో సాధారణంగా మజ్జలోని రక్త కణాలు మరియు మార్పిడి పూర్తయిన తర్వాత రక్తం సాధారణ స్థాయికి రావడానికి కొన్ని వారాలు ఆసుపత్రిలో ఉండాల్సి వస్తుంది. ఈ విధానంతో సంబంధం ఉన్న సాధారణ దుష్ప్రభావాలు ఉన్నాయి

వికారం, వాంతులు, జుట్టు రాలడం, కాలేయం పని తీరు మార్పు ఈ చికిత్స యొక్క దుష్ప్రభావాలు.

తెల్ల రక్త కణాలు తక్కువగా ఉండటం మరియు రోగికి ఇన్ఫెక్షన్ వచ్చే అవకాశం ఉన్నందున ఇన్ఫెక్షన్ ప్రమాదం. అంటువ్యాధులు బాక్టీరియల్, వైరల్ లేదా ఫంగల్ కావచ్చు మరియు వాటిని నియంత్రించడానికి సాధారణంగా యాంటీబయాటిక్స్ అవసరం అవ్వవచ్చు.

నోటి లోపలి పొర మరియు జీర్ణవ్యవస్థపై కీమోథెరపీ ప్రభావం వల్ల మ్యూకోసిటిస్ వస్తుంది. ఇది రోగి తీసుకున్న ఆహార మొత్తాన్ని పరిమితం చేస్తుంది మరియు ఆ సందర్భంలో ఆహారం తీసుకోవటానికి ఇతర పద్ధతులను ఉపయోగించవచ్చు.

తక్కువ ప్లేట్‌లెట్ కౌంట్ కారణంగా ఈ విధానంతో రక్తస్రావం ముడిపడి ఉంటుంది, అయితే ప్లేట్‌లెట్ గణనలను పెంచడానికి ప్లేట్‌లెట్ మార్పిడి చెయ్యవచ్చు.

గ్రాఫ్ట్ వర్సెస్ హోస్ట్ వ్యాధి ఇది రక్త కణాలకు, ముఖ్యంగా మూల కణాలు లేదా మజ్జ దాత నుండి వచ్చినట్లయితే, శరీరం అనుకూలంగా స్పందించకపోవటం.

రేడియోథెరపీ

రేడియోథెరపీ క్యాన్సర్ కణాలను చంపడానికి అధిక శక్తి ఎక్స్-రే కిరణాలను ఉపయోగిస్తుంది. మైలోమాలో, ఎముకలలో లేదా శరీరంలోని ఇతర భాగాలలో వ్యాధి ఉండటం వల్ల వచ్చే నొప్పి వంటి లక్షణాలకు చికిత్స చేయడానికి రేడియోథెరపీని ఉపయోగిస్తారు. సాధారణంగా 1-5 చికిత్సలు ఇవ్వబడతాయి మరియు నొప్పిని నియంత్రించడంలో చాలా ప్రభావవంతంగా ఉంటాయి.

పునరావృత లేదా పునః స్థితి చెందిన మైలోమా యొక్క చికిత్స

ప్రారంభ చికిత్స తర్వాత తిరిగి వచ్చిన మైలోమా చికిత్స పునః స్థితి యొక్క స్థానం, రోగి యొక్క లక్షణాలు, రోగి అందుకున్న ముందస్తు చికిత్సలు మరియు రోగి యొక్క ప్రస్తుత ఫిట్‌నెస్‌పై ఆధారపడి ఉంటుంది. చికిత్స ఎంపికలలో కీమోథెరపీ, బయోలాజికల్ థెరపీ, రేడియోథెరపీ మరియు సహాయక సంరక్షణ ఉన్నాయి.

ఇతర చికిత్సలు

వ్యాధి లేదా చికిత్స కారణంగా రక్తహీనత లేదా తక్కువ ప్లేట్‌లెట్స్ ఉన్నప్పుడు పరిస్థితులలో రక్త మార్పిడి, ప్లేట్‌లెట్ మార్పిడి మొదలైనవి అవసరమవుతాయి.